دونيا ادبياتي
ياسر الاطرش
ياسر الاطرش 1973 ـ نجو ايلده، سوريه نين سراقب شهرينده آنادان اولدو. او گنج ياشينا باخماياراق، عرب يازيچي لار بيرليينه عضو سئچيلدي. 1995 ـ ده كويتده سعاد الصباح للابداع الادبي مكافاتينا لايق گؤروندو 2002 ـ ده بيرلشميش ملت لرين يونيسف تشكيلاتي نين اوشاق ادبياتي اوزه رينه اؤدولونو آلدي. بير سؤزله عرب دونياسيندا اؤزونه مخصوص يئر آچان شاعرين چاپ اولان اثرلري سئويله ـ سئويله اوخونور. آشاغيداكي شعرلر، سهيلا خانم پرستگاري نين فارسجا ترجمه سيندن و بير نئچه شعريني اوژينالدان آناديليميزه چئوريب، اوخوجولارا تقديم ائديرم.
«امرؤ القيسه» اوچون
آتا. اي آزاد ليغين باشلانغيجي
بؤيوك چاتيشين سنه طرف نه ساياق؟
بو اوچان قاطارين يوزولماسي نئجه؟
بو اوخونماميش اؤزگه ني...
چونكي اسگي باغيرتي
آخير، سنين قورخو گؤزگولرينين اوزه رينه
سنين قارشييندا بنيزيمي قويلاياجاغام
اؤلوم اولسون «روما»
جرير اوچون 2
قيلينج سسي، قورخاق اؤلوم، ايگيد آتلي
اؤيرنجي كؤنلونده مدرسه يه يئر لشير
سنين قاراياخمالاريني دنيز اوزه چيخارمير
شعر سنين سورگونونده دير... تورمه، تورمه
قاپيلللي دير، قيفيللي
بير بؤلومده يالنيز سن حبس اولوسان
باشقا بؤلومده ايسه گؤزتچي
قيلينج چيچه يي كسير، غريب گؤزليك لري ايله
شرافته قارشي دوشمانچيليغي سندن
اؤيرنديم...
ايندي باريشماز سام يوخ اولاجاغام...
يوردومون آچيلميش سفره لرينده
3
اي آجليغين ياراديجيسي،
سورگون تنديرينده يوردون يومرو
چؤره يي نين يانماسيني بيليرسنمي؟
عيراقدا نئجه؟
گؤره سن بو سنين سؤنمه يينديمي يا
يا منيم عائله مين سسي ديركي،
پيس ليك ساچير
اي باغ و آييقليق شاهي
اوزوم اعتراض يوردودور، اوره ييم كيچيك
اوره ييم يومرو قانلي چؤره كدير
بايرام گونو مني «اقبال» ين يانينا آپار...
قولچاغي «جيكور» ا غم و كدر نشانه سيني سنه
مني اؤز يانينا چك
عراقين آجليغيني اوزاقدان ايچيم
ياغيش قالارقي اولسون.
4
متنبي اوچون
سني آلوولارين نبضي آدلانديريرام
سني گونشين چتين گونو و چتين
باتماسي آدلانديريرام
سني هر نه ايسترسن آدلانديريرام
چيچك لرين فاصله سي
يازيلانين هاي ـ كويو
پيغمبرين وحي
آنجاق گل
حيطين باغلي قاپيسيندا
مورين «كافورو» باغدادي
رقص ائتديرير(1)
5
ابن زيدون 1
گؤزلدير، همين امكانسيز
سئرچه لرين سسي قيز جيغارلاري ميجانلانديرير چيلپاق
دان يئري اوزه رينده، دينجه لنه كيمي،
يالواريش سونگونلريني اوغورلا يا كيمي،
آمما سنين دوغومونو سئوميرلر...
چونكي بايقوشلار اؤلجول گئجه دن گليرلر
سونوجدا، قاندير
سنين قيلينجين ووروشماغي اوخشايير.
6
جبران خليل اوچون
غربت... بير آز دينجلديك
بو بئيني بوش آتي سينديرا جاغام... بو آيي
سن قاييتديغيندا ساحلي آچاجاقسان
سن قوراخليق چؤلونده گؤرونوشو آزاد ائده جكسين
يئني باشلانيش اوچون گوزليك بؤلوملريني
سن بوگمي لري عادت اوزره دولدورا جاقسان
تورپاق، اؤز بير لرينه قايداجاق
قايتاراجاق وطن ـ وطن
سون
قاييتدي
وقارلي يئريشله، سوزگون باخيشلا،
درديمي داشلارا چالدي قاييتدي
سئوينجيم قوشولدو سرين يئل لره
گولوشوم گؤزلرده قالدي، قاييتدي.
چكيلدي يولومدان اوقارا دومان،
عشقين ذيروه سينه يوكسلديم اينان،
حسرتيم بوزكيمي اريين زمان،
صبريمي اليمدن آلدي قايتدي.
ماهني يا بوروندو دره لر دوزلر،
خوش گلدين سؤله دي كيپريك لر، گؤزلر،
دويغوما سوزولدو بوتون شن سؤزلر،
ايشيغين كؤنلومه سالدي قاييتدي
شعر: ائلدار سارابلي
پاورقي
1ـ آغ رنگلي خوش عطيرلي داوادي. بو درمان آغاجي چين و ژاپوندا بيتر. عرب ـ تورك و فارس ديللرينده كافور آغاجي كيمي تانينار.